Оқиғаның видеосы Instagram желісіндегі kris_p_almaty парақшасында жарияланды. Жол апаты Төле би мен Әуезов көшелерінің қиылысында болған. Видеодан соғылған көліктерді, оқиға орнына жедел жәрдем қызметі келгенін көруге болады.
Алматы қаласы полиция департаменті жол апаты 8 қыркүйекте, шамамен түскі сағат 13.20-да болғанын атап өтті.
"Mersedes жүргізушісі Төле би көшесінің батыс бағытымен келе жатып, рөлге ие бола алмай, жолдан шығып кеткен. Салдарынан көлік автотұрақтағы Toyota Caldina, KIA Optima, Toyota Aristo маркалы автомобильдеріне соғылған. Сондай-ақ, Toyota Aristo инерция бойынша Toyota Camry көлігіне соғылған. Жол апатына күдікті Алматы қаласы көпсалалы клиникалық ауруханасына жеткізілді", - делінген хабарламада.
#апат #алматы #көлік #оқысжағдай #полиция
