Алматының бас санитар дәрігері Жандарбек Бекшиннің қаулысына сәйкес, қалада карантин шаралары жеңілдетілді. Атап айтқанда, қаулы театрға, кітапханаға, музейге, ғибадатханалар мен бассейнге және спорт кешендеріне баруға рұқсат береді.
Тауға шығуға да жол ашылады. Білім беру мен дамыту орталықтарының жұмысына рұқсат етілді. Сонымен бірге мектептер жалпы адам санын 180-нен асырмай жұмыс істеуіне болады. Бір сыныпта 15-тен артық оқушының отыруына болмайды. Балабақша жұмысы да қалпына келеді.
Бірақ Бекшин қаулысына сәйкес, демалыс және мереке күндері сауда, ойын-сауық мекемелері мен базарлар, мешіттер жұмыс істемейді.
Қазақстанда эпидемиологиялық жағдай ушығып кеткеннен кейін, 5 шілдеден карантинді қайта енгізген. 17 тамыздан бері шектеуді жеңілдетті. 31 тамыздан бастап қосымша шектеу шаралары алынды.
Ресми мәлімет бойынша, Қазақстанда 105,7 мыңнан астам адамнан коронавирус анықталып, 1588 науқас қайтыс болған.
#алматы #мектеп #бассейн #тау #карантин
