Бюрабекова хаттаманы әзірлеген жетекші инфекционистер мен пульманологтар және тағы басқа клиникалық мамандар орташа ауыр жағдайы бар COVID-19 науқастарын инфекциялық стационарға жатқызбай тұрып, алдымен амбулаториялық деңгейде вирусқа қарсы препараттармен емдеуге ұсыныс жасады.
Амбулаториялық емделу кезінде гидроксихлорохин мен лопинавир/ритонавир қолданылады.
Үйде жатып емделетіндер осы дәрі-дәрмекті ішетін болады. Ал ауруханада жатқан науқастарға қазіргі препараттармен бірге фавипиравир де беріледі.
"Бұдан бөлек, үш күн бойы жоғары температура болмаса, ал компьютерлік томография немесе ренген кезінде өкпеде оң динамика байқалса, пациентті амбулаториялық емдеуге, яғни ауруханадан ерте шығаруға шешім қабылданды", — деп атап көрсетті вице-министр.
