"Шынын айту керек, жағдай қиындап барады. Бүгінгі жағдай сәуір, мамырдағы жағдайға қарағанда қиын екенін жасырмаймыз. Бір тәулікте коронавирус жұқтыратындар саны күрт ұлғайды. Бұрын күніне бес адам анықталса, енді күніне 20-25 адам түседі. Мен жерлестерге үндеу жасаймын! Бәлкім, сіздердің араларыңызда медицина мамандары бар болар - ерікті түрде болсын көмек көрсетуге дайын реаниматолог, инфекционист, эпидемиологтар болса. Бізде мамандар тапшы", - дейді Хаменова.
Хаменова медициналық стационарларда 111 жасанды тыныс алдыру аппараты барын, бірақ ол жетпейтінін айтты. Егер оларды сатып алуға көмектескісі келетін демеушілер болса, әкімдік көмекті қабыл алуға дайын.
25 маусымдағы мәлімет бойынша, наурыздан бастап өңірде коронавирус жұқтырған 3209 адам тіркелген: оның ішінде, ауру белгісімен 1560 адам, ауру белгісі жоқ 1649 адам анықталған.
