Әскерге шақыру астарында саяси негіз болғанымен, қоғамдық белсенді қызмет кезінде ешқандай қысым көрмеген екен.
Оның айтуынша, аудандардан келген сарбаздар елдегі саяси жағдайдан бейхабар, белгілі бір ойы қалыптаспағанымен, өздерін патриотпыз деп санайды.
Толымбеков 2019 жылғы істен кейін азаматтық қоғамның оянғанын байқады. Адамдардың жекелеп, топпен наразылық шараларына қатысуы қалыпты жайтқа айналды.
"Біздің шарамыз халыққа әділ сайлаудың жоқтығын көрсетуді көздеген еді. Сайлау нәтижесі жалған болып шығатынын, арнайы үміткерлер пайда болатынын о бастан-ақ түсінікті болды. Оппозиция өкіліне аса сенім артпадық. Сайлау әділетсіз өтті", - деді жігіт.
Толымбеков азаматтық белсенділігін ары қарай "Oyan, Qazaqstan" қозғалысының мүшесі ретінде жалғастырмақ.
