"Теңіз кен орнында жұмыс істейтін мердігер ұйымдардың 90 қызметкері инфекция жұқтырды. Атап айтқанда, олардың 83-і – ер адам және жеті әйел", - деп хабарлады аймақтағы жедел штаб.
Сонымен қатар Атыраудың екі тұрғынынан COVID-19 табылды.
Жедел штабтың мәліметінше, Теңіз кен орнында коронавирус инфекциясын жұқтырудың 17 ошағы бар. Олардың барлығы жұмысшылар тұратын вахталық ауылдар. Науқастармен байланыста болған және байланыста болуы мүмкін адамдардың саны екі мыңнан асады. Олар қазір карантиндік стационарларда жатыр.
Коронавирус барлығы 359 жұмысшыдан табылған.
