Дайындалған тағамдар көп балалы отбасыларға, медқызметкерлерге және блок бекеттердегі кезекшілерге таратылады. Іс-шараны Қарағанды облысының ҚХА өкілдері Ішкі саясат басқармасымен бірлесіп ұйымдастырды.
"27 сәуірде ұлттық тағамдарды дайындау бойынша #ҰлтТағамдары челленджіне Қарағанды, Балқаш, Абай, Ақтоғай және Бұқар жырау аудандары қатысты. Бүгін, 28 сәуірде челлендж Қаражал, Приозерск, Жаңаарқа, Қарқаралы және Нұра аудандарында жалғасты. 29 сәуірде еріктілер Саран және Сәтбаев қалаларында, Осакаров, Ұлытау және Шет аудандарында ұлттық тағамдар таратады. Соңғы күні, 30 сәуірде челлендж Қарағанды, Жезқазған, Теміртау және Шахтинск қалаларында өтеді", - деп хабарлады Қарағанды облысының ҚХА.
Фото авторы : inform.kz
