Елордада жарияланған төтенше жағдай режиміне сәйкес, жоспарланған көптеген іс-шаралар онлайн түрде өткізіледі.
"Мәдениет және спорт қоғамдық мекемелерінің әлеуметтік желілерінде күн белгілі атлеттермен жаттығудан басталады. Содан кейін кешке дейін жаттығулар, дәрістер, вебинар, концерт, виртуалды экскурсиялар өтеді, балаларға арналған ертегілер оқылады, қашықтан және онлайн спектакль мен фильмдер көрсетіледі. Қазақстандықтардың жақсы пікірін ескере отырып, біз осы жұмыстарды карантиннен кейін де жалғастыруды жоспарлап отырмыз", - деді мәдениет және спорт министрі Ақтоты Райымқұлова.
Фото авторы : sputniknews.kz
