20 ақпан күні сағат 22:10-да Хромтау аудандық ауруханасына оқ жарақатын алған 5 адам жеткізілген болатын. Жедел тергеу тобы үш күдіктіні ұстады. Олар кінәларын мойындаған. Күдіктілер адамдарды атқан соң 16 калибрлі екі аңшы мылтығын Бөгетсай ауылы маңындағы Ор өзенінің көпір астына жасырып қойған. Сондай-ақ "ВАЗ-2114" маркалы ресейлік нөмірлі көлік пен екі қару тәркіленді. Қылмыстық кодекстің "Адам өлтіруге оқталу" бабымен іс қозғалды. Тергеу жүріп жатыр.
Қазіргі уақытта жарақат алғандардың үшеуі облыстық жедел жәрдем ауруханасында жатыр.
