Қала басшысының айтуынша, алғашқы 22 күнде жаңа камералар 4,5 мың жол козғалысы ережесін бұзу деректерін түсірген. Сағынтаевтың айтуынша, осы аралықта жол-көлік оқиғасының саны 12 пайызға төмендеген. Оның айтуынша, өткен жылмен салыстырғанда қылмыс 38 пайызға азайған.
"Қоғамдық қауіпсіздікті қамтамасыз ету жұмыстары, соның ішінде жолдар мен тұрғындар көп жиналатын жерлерде видеомониторинг жүйесін кеңінен қолдану арқылы жалғасады. Биыл қосымша 360-тан аса "Сергек" камераларын орнатуды жоспарлап отырмыз. Жыл сайын құқықтық тәртіпті бұзуды қадағалайтын автоматты бейне жүйелерінің үлесі өсіп отыратын болады", - деді Сағынтаев.
Фото авторы : tengrinews.kz
