Прокурор Мұхит Рысбеков әр айыпталушыға екі жарым жыл бостандығын шектеуді сұраған.
18 қараша кешкісін өткен отырыста Рысбеков судьядан шешім шығарғанда айыпталушылардың сотқа белсенді қатысқанын, кішкентай балалары барын ескеруді сұрады. Айыпталушылардың «ҚДТ» қозғалысының жұмысына араласқаны толық дәлелденген.
Сот кезінде адвокат Ғалым Нұрпейісов сотқа экс-банкир, Қазақстан билігін сынаушы, 10 жылдан бері шетелде тұрып жатқан Мұхтар Әблязовты (ҚДТ қозғалысының жетекшісі) видео арқылы қосып, жауап алуды сұрады. Судья Құралай Дарханова адвокаттың шағымын қанағаттандырды, бірақ Әблязовтың сотқа келуін талап еткен.
Алайда, айыпталушылар тағылған айыптарды мойындамады. Бүгін 4 сотталушыға қатысты сот үкімі шығуы тиіс.
