2 қазанда Түркістан облысы Арыс қаласының әкімдігіне отызға жуық әйел барып, жарылыстан соң тұрғындар денсаулығының нашарлағанына шағымданып, өтемақы төлеуді талап етті.
"Апта сайын ауруханаға апарам, апта сайын басқа дәрі-дәрмек жазып береді. Одан нәтиже болмаған соң тағы барамыз. Сүйтіп келе жатырмыз. Бір жыл бұрын балам реанимацияға өкпе ауруымен түскен. Енді сол ауруы қайта асқынып бара жатыр. Іші тоқтамай өтеді. Дәріге де тоқтамайды. Жарылысқа дейін ондай болмаған. Дәрігерлер де түсінбей жатыр. Диагноз қоя алмай жатыр",- дейді қала тұрғыны Бану Құлжабаева.
Тағы бір қала тұрғыны Айгүл Дәулетованың айтуынша, жарылыстан соң балаларының денесіне жара шығып, мұрны қанайтын болған. Ол дәрі-дәрмек алуға қалтасы көтермейтінін айтып, үкіметтен көмек сұрады.
