Өрт Алматы ауданының Сарқырама қиылысындағы 6 қабатты үйден шыққан. Ақпарат кешкі сағат 19.39-да түскен. Өрт сөндірушілер келіп жеткенде шатырдағы жалын шамамен 100 шаршы метр аумақты қамтып үлгерген. Үй тұрғындары көмек келіп жеткенше қауіпсіз жерге эвакуацияланған.
"Тілсіз жау 600 шаршы метр аумақты шарпыды. Оқиға салдарынан үйдің шатыры ішінара өртеніп кетті, сондай-ақ кешеннің мансард қабатында орналасқан 4 пәтер бүлінді", - делінген хабарламада.
Фото авторы : inform.kz
