Түркістан облысының әкімі Өмірзақ Шүкеевтің айтуынша әрбір секторға 17 аудан-қала әкімі бекітілді. Олардың әрқайсысының жанында 40 жауапты қызметкерден болады. Сол жауаптылар тұрғындарға үйлеріне орналасуына көмектеседі.
Сонымен қатар әрбір баспананың зақымдануын фото-видеоға түсіріп, актілер жасаумен айналысатыны айтылады.
"17 сектор 17 облыс әкімдігіне жөндеу жұмыстарын жүргізуге бөліп берілді. Әрбір облыстан 10 бригададан, жалпы саны 1500-ден астам құрылысшылар келіп, жөндеуді бастайды. Облыстың өкілдері келіп, бекітілген секторларды аралап, тиісті жұмыстарға кірісті", - деді Өмірзақ Шүкеев.
Фото авторы : Түркістан облысы әкімінің баспасөз қызметі
