Бұл маңызды шешім Әлихан Бөкейханның 155 жылдығына және Ел Тәуелсіздігінің 30 жылдығы мерекесі қарсаңында қабылданып отыр. Аудан атауын өзгерту туралы әкім Қаулысы мен облыстық мәслихаттың шешімін депутаттар бірауыздан қолдады.
"Сессияда Октябрь ауданына Әлихан Бөкейхан есімін беру туралы бұрын дайындалған әкімдік пен мәслихат қаулысы қаралды. Енді аудан Әлихан Бөкейхан ауданы болып аталмақ. Тиісті құжаттар Әділет министрлігіне тіркеуге жіберілді", - деді Қарағанды облысының Тілдерді дамыту жөніндегі басқармасы өкілі.
Жиын барысында өткен жылғы бюджет қаржысының игерілуі, агроөнеркәсіптік кешенді дамытуға арналған бағдарламаның орындалуы сынды маңызды мәселелер де қаралды.
