USD 426.14
EUR 497.05
RUB 6.02
«Алыптың қуаты – халықта, халықтың қуаты – бірлікте!»
 
RSS лента

Елімізде Pfizer екпесін кімдерге салуға мүмкіншілігі бар?!

  • 11.қазан.2021, 16:23,
  • 14

ҚР Денсаулық сақтау министрі Алексей Цой Pfizer екпесін аяғы ауыр әйелдер мен 12 жастан асқан балалар алып болған соң басқа да азаматтарға салу қарастырылуы мүмкін екенін айтты.

"Pfizer вакцинасы алғашқы кезеңде 12 жастан асқан балалар мен аяғы ауыр әйелдерге егілетін болады. Бірінші кезеңде біздің міндетіміз – аталмыш вакцинаны балаларға қолжетімді ету", - деді Денсаулық сақтау министрлігі басшысы Мәжіліс отырысында.


Депутат Ғани Хамзин министрден COVID-19 вакцинасымен қамтамасыз етуге қатысты "Covax" бағдарламасына қатысуға Қазақстанның өтініш бергені туралы сұрады. Депутаттың сөзінше, шетелде оқумен және іссапармен жүргендерге осы бағдарлама арқылы екпе салынуы мүмкін.


""Covax" бағдарламасында кедей, табысы төмен елдерге басымдық беріледі. Қазақстан табысы жөнінен орташа елдердің қатарына кіреді. Барлық дамыған елдер Covax-қа қатысады, бірақ олар донорлар мен жеткізуші қызметін атқарады. Вакцина шығаратын әлеуеті бар елдер көбіне Covax-қа қатыспайды", - деді Алексей Цой.


Минстрдің сөзінше, осы бағдарлама бойынша вакцина алған көрші елдер бұл препараттарды сатып алмаған, гуманитарлық көмек ретінде алған.


"Сонымен қатар, Қазақстанда вакцина коэффициенті Covax көмектесетін елдерге қарағанда жоғары. Бағдарламаның талабы бар - олар вакцинаны вакцина деңгейі 40%-дан төмен елдерге ғана жеткізеді. Біз Covax бойынша жұмыс істейміз, бірақ қазіргі уақытта олардың белгілі бір шарттары бар. Сома алдын ала төленуі керек, жеткізу мерзімі нақтылануы керек, вакцинаны таңдау құқығы бар. Елімізге кез келген вакцинаның бір дозасын шамамен 12 долларға жеткізуге болады. Қазір бізде негізінен ДДҰ ұсынған вакциналар бар. Бұл CoronaVac, Vero Cell. Біз ересек тұрғындарға 4 миллион доза жеткіздік. Олар барлық аймақтарда бар, барлық азамат екпе салдыра алады", - деп қорытындылады министр.


Қазақстан Pfizer жеткізу бойынша келісімшартқа қол қойды. 6 қазанда Денсаулық сақтау министрі Алексей Цой Pfizer бойынша келісімшарттың соңғы кезеңіне қол қойғанын хабарлады. 2021 жылдың төртінші тоқсанында препарат Қазақстанға жеткізіледі.

скачать dle 12.0
Тағы да оқыңыздар:
02.09.2021
10.08.2021
10.08.2021
23.07.2021
23.07.2021
ПІКІР
15 қазан19:30,
сараптама / Видео
Жетімдерді билік қашан жебейді?!   Видео
15 қазан12:53,
ҚОҒАМ
Алаяқтар көбейді  
«    Қазан 2021    »
ДсСССрБсЖмСнЖс
 123
45678910
11121314151617
18192021222324
25262728293031