Алматы қаласын қоспағанда, 28 тамыздан бастап мына объектілер жұмысына рұқсат етіледі:
- демалыс күндері – Ashyq жобасына қатысатын барлық бизнес объектілерінің жұмысына – сағат 00.00-ге дейін,
- Ashyq" жобасының көшбасшыларының жұмысына – қызметкерлер мен келушілерде "жасыл мәртебе" болған жағдайда (вакцинация, сынама алған кезден бастап 7 тәуліктен аспайтын теріс нәтижесі бар ПТР тесті, тұрақты медициналық қарсы көрсетілімдері бар, соңғы 3 ай ішінде ауырып жазылған адамдар) сағат 02.00-ге дейін;
- сенбі күндері – қоғамдық көліктің жұмысына рұқсат етілсін.
30 тамыздан бастап Алматы қаласын қоспағанда Ashyq жобасына қатысатын барлық бизнес объектілері үшін жұмыс уақытын (режимін) жұмыс күндері сағат 22.00-ден 00.00-ге дейін, Ashyq жобасының көшбасшылары үшін сағат 00.00-ден 02.00-ге дейін ұзартылады.
Эпидемиологиялық жағдай тұрақтанған жағдайда Алматы қаласында карантиндік шаралар 4 және 6 қыркүйекте жеңілдетілуі мүмкін.
"Қоңыр қызыл" аймақтағы өңірлерде шектеу шаралары бұрынғыдай сақталады.
"Жұқпалы ауруы бар науқастарға арналған төсек-орынның қамтылу көрсеткіші 70%-дан жоғары және орынның толу көрсеткіші 100 мың тұрғынға шаққанда 200-ден жоғары болғанда тәуекел деңгейі қауіпті аймақта эпидемиологиялық жағдай күрделенген жағдайда өңір "қоңыр қызыл" аймаққа ауысады . Өңір "қоңыр қызыл" аймақта кемінде үш күн болған кезде карантиндік шараларды қатаңдату қабылданады. Күшейтілген карантиндік шаралар "қоңыр қызыл" аймақтан "қызыл" аймаққа көшкеннен кейін кемінде 7 күн сақталады. Карантиндік шараларды жеңілдету "қоңыр қызыл" аймақтан "қызыл" аймаққа көшкеннен кейін 7 күннен ерте жүргізілмейді", делінген құжатта.
Қаулының толық мәтінімен мына арадан таныса аласыздар.