Елдегі 7 мыңнан астам мектеп 3,6 миллионға жуық оқушыны қабылдайды, оның ішінде 380 мыңға жуығы – бірінші сынып оқушылары.

Дәстүр бойынша, бүгін мектептерде салтанатты саптар мен сынып сағаттары өтеді. Биыл мектептер, колледждер мен университеттер оқытуды офлайн форматта бастайды. 1 қыркүйектегі салтанатты сап тек бірінші сынып оқушылары үшін өтеді.

2-11 сынып оқушылары бірден сыныптарға барады, онда оларға сабақ сағаттары ұйымдастырылады.

Егер оқу орнында коронавирус анықталса, оқушылар қашықтықтан оқуға кетеді. Науқастармен қатынаста болған балалар үшін мектептерде синхронды оқытумен қашықтықтан оқыту ұйымдастырылады. Ата-аналардың өтініші негізінде ерекше жағдайларда (медициналық ұйымдар растаған созылмалы аурулар болған жағдайда) асинхронды қашықтықтан оқыту ұсынылады.

Қазақстанның бірқатар аймақтарында оқыту дәстүрлі, қашықтықтан және аралас форматта жүргізіледі. Егер ата-аналар балалары мектепте коронавирус жұқтырады деп қорқатын болса, олар өтініш бере алады. Содан кейін олардың балалары онлайн режимінде оқи алады.

Мектепке тек Ashyq қосымшасы арқылы кіруге болады. Білім және ғылым министрлігінің мәліметінше, бұл мұғалімдер, қызметкерлер мен ата-аналар арасында вирус жұқтырғандар мен жұқтырушымен қатынаста болғандардың мектепке кіруінен сақтайды. Балаларға QR кодты сканерлеудің қажеті жоқ. Барлық мұғалімдер мен мектеп қызметкерлері коронавирусқа қарсы екпе алған болуы тиіс.

Вакцина алмаған студенттер үшін Қазақстанның бас санитарлық дәрігерінің жаңа қаулысына сәйкес, жатақханаға орналасуға тыйым салынды. Жатақханадан тек 18 жасқа толмаған студенттер, сондай-ақ тұрақты медициналық қарсы көрсеткіштері бар және коронавируспен ауырып шыққан студенттер ғана дәмелене алады.

Барлық оқу орындарында қатаң санитарлық талаптар сақталады.