USD 435.2
EUR 491.17
RUB 5.54
«Алыптың қуаты – халықта, халықтың қуаты – бірлікте!»
 
RSS лента

Қапшағайдың суы тағы тартылуы мүмкін

  • 10.июня.2021, 14:28,
  • 79

Экология министрі Мағзұм Мырзағалиев елдегі егістік алқаптарын суаруға қатысты күрделі жағдай туралы айтты. 

Экология министрінің айтуынша, биыл еліміздің оңтүстік өңірлерінде су аздығы байқалады, ал бұл аймаққа барлық суармалы судың 97% - ы тиесілі.

Алматы облысы Іле Алатауының оңтүстік беткейіндегі өзен бассейндерінде жауын-шашын нормадан 39 пайызға аз, ал шағын және орта су қоймаларының толымдылығы вегетациялық кезеңнің басында 75-80% - ды құрады. Жамбыл облысы Шу және Талас өзендерінің бассейндерінде су деңгейі 20-25% - ға төмен. Себебі бұл өзендердің бүкіл ағыны Қырғызстан аумағында қалыптасады, ол жақта да су аз болғандықтан мемлекетаралық су объектілері бойынша келісілген көлемді алу қиындады, - дейді министр.


Мағзұм Мырзағалиевтің айтуынша,Түркістан және Қызылорда облыстарында Сырдария өзеніндегі су деңгейі Тоқтоғұл су қоймасының толтырылуына байланысты. Биыл бұл су қоймасының көлемі соңғы 5 жылдағы ең төмен көрсеткішті көрсетті.


Алматы облысында 2020 жылы Қапшағай су қоймасы бойынша күрделі жағдай қайталануы мүмкін. Осыған байланысты облыс әкімдігіне тиісті шаралар қабылдау маңызды, - дейді Мағзұм Мырзағалиев.


Айта кетсек, 2020 жылы желіде Қапшағай су қоймасындағы судың тартылып кеткені туралы видео тараған.



#Қапшағай #су #тартылды #экология 

скачать dle 12.0
ПІКІР
02 қантар11:40,
Әлем / Видео
Мысырда бұршақ пен қар жауды   Видео
«    Қантар 2022    »
ДсСССрБсЖмСнЖс
 12
3456789
10111213141516
17181920212223
24252627282930
31