Кrisha.kz деректері бойынша, 2020 жылғы желтоқсанның соңында Қазақстанның тұрғын үй нарығындағы ұсыныстардың орташа бағасы бір жыл ішінде 17,2 пайызға өсті. Нұр-Сұлтанда өсім - 3,6, Алматыда - 11,9 пайызды көрсетті. Ең жоғары динамика Петропавлда, атап айтқанда - 28,7 пайыз, сондай-ақ Павлодар мен Семейде, тиісінше 26,5 және 25,2 пайыз байқалды.
"Кrisha.kz пікірінше, соңғы айлардағы бағалардың ауытқуы зейнетақыны алумен байланысты емес. Бағаның өзгеру себептері - инфляция, доллар бағамына түзетулер, 2016-2017 жылдардағы дағдарыстан кейін қалыпқа келу, жоғары сұраныс, жаңа тұрғын үйді іске қосу қарқынының төмендігі, құрылысшылардың объектілерді салуға шығындарының өсуі және басқалары", - деп түсіндірді krisha.kz мамандары.
Порталда баға индексіне, яғни бір шаршы метрдің орташа құнына нарық құрылымы, атап айтқанда қымбат және арзан, үлкен және кіші пәтерлердің қатынасы да әсер ететіні жазылды.
#баспана #баға #тұрғынүй #қазақстан #экономика
