"Өздеріз жақсы білесіздер, қазіргі кезде 7-15 жастағы балалар жол жүру ақысының жартысын төлейді. Ал 15 жастан кейінгілер толық төлем жасайды. Бұған дейін балаларға жеңілдік жасау мәселесі талай рет көтерілді. Сондықтан біз 28 наурыздан бастап кәмелеттік жасқа толмаған балаларға қоғамдық көлікте тегін жүруге мүмкіндік беруді жөн көрдік", - деді Егенбердинов қоғамдық көлікті дамытуға арналған конференцияда.
18 жасқа дейінгі балалар міндетті түрде жеңілдік картасын алу қажет. Оның бағасы-500 теңге. Кейін оны валидация жасап отыру қажет. Себебі компания жолаушылар тасымалын үнемі бақылап отырады.
Сонымен қатар, CTS компаниясы елордадағы балалармен бірге халықтың қай санатына қоғамдық көлік құны тегін болатынын айтып берді.
"18 жасқа дейін тегін жүру жеңілдігі қала маңайында тұратын балаларға да қатысты. Сосын бұған дейін жеңілдік алып жүрген азаматтар, олардың ішінде ардагерлер, мүгедектер, көпбалалы аналар, жалпы алты топ қала маңындағы маршруттарда ақша төлейтін. Енді 28 наурыздан бастап олардың барлығы тегін жүре алады", - деп атап көрсетті Егенбердинов.
