ҚР президентінің 2019 жылғы 26 маусымдағы жарлығына сәйкес банктер мен микроқаржы ұйымдарында кепілсіз тұтынушылық қарыздары бар 5 санаттағы азаматтар үшін бір реттік акция тәртібінде мемлекет жалпы көлемі 300 мың теңгеге дейін негізгі борышты және ол бойынша есептелген өтемақыны төлейді.
300 мың теңгеден асатын қарызы барлар 300 мың теңге көлемінде қарызының бір бөлігін өтейді. Бұл ретте, олардың жалпы қарызы ағымдағы жылдың 1 маусымындағы жағдай бойынша 3 миллион теңгеден аспауы тиіс.
Толық ақпаратты ҚР Еңбек және халықты әлеуметтік қорғау министрлігінің базасында жұмыс істейтін 111, 74-32-20, 75-01-79, 75-01-78 телефон нөмірлері xабарласып білуге болады.
Фото авторы : Informburo.kz
