Қала билігі ойран салып жатқан наразылық шараларына қатысушыларды тоқтату үшін ұлттық гвардия әскерін кіргізуді өтінген. Бұл туралы АҚШ билігі хабарлады.

Фото ©REUTERS

Ұлттық гвардия әскері келетіні туралы естіген наразы жұрт қала мэриясының алдына жиналып, афроамерикалық Джейкоб Блэйктің атысына қатысқан офицерлерді тұтқындауды талап еткен. 

Сондай-ақ тұрғындар әлі комендант сағатын елемей, түн жарымнан кейін сот ғимаратының алдына жиналған. Полицейлерге су құйылған бөтелке лақтырған.

Кенош қаласында полицейлер Джейкоб Блэйктің арқасына жақын жерден оқ атқан болатын. Содан кейін жаппай наразылық шаралары басталды. Жергілікті БАҚ мәліметінше, ер адам жанжалдасып тұрған екі әйелді ажыратпақ болған.

Куәгерлердің видеосынан Блэйк көлігінің қасына келгенін көруге болады. Содан кейін артынан екі офицер келеді де жеті рет атылған оқтың дауысы естіледі.

#кенош #америка #тәртіпсіздік #наразылық