Қала мэрі Билл де Блазио 28 шілдеде өткен брифингте вакциналау деңгейін арттырудың жаңа әдісі туралы айтты.
"Жұмадан бастап қала орталығында COVID-19 вакцинасының алғашқы дозасын ектіріп, 100 доллар алыңыз. Бәрі оңай", - деді ол.
Америкалық бұл қалада тұрғындарды вакциналау науқаны көктемде басталған. Вакцина алғандарға лотерея билеттері таратылды. Бір үкіметтік емес ұйым, тіпті шөп (есірткі) орамасын да ұсынды, өйткені оны тұтыну Нью-Йоркте тыйым салынбаған.
Көптеген қолданушылар бұл хабарландырудан соң сұрақтарды жан-жақтан жаудырды: егер мен вакцина алып қойған болсам, 100 долларды қайдан алсам болады десіп жатыр.
Қалалық денсаулық сақтау департаментінің мәліметтері бойынша, қазіргі уақытта Нью-Йорк тұрғындарының 54,4% коронавирусқа қарсы толықтай егілді, тағы 4,8% вакцинаны жартылай алған.
ДДҰ әлемдік вакцинацияға қанша қаражат жұмсалатынын есептеді
