Заң жобасы Еңбек кодексіне, "Қорғаныс және Қарулы Күштер туралы", "Жұмылдыру дайындығы туралы", "Соғыс жағдайы туралы" үш заңға түзету енгізуді көздейді.
"Онда президент өкілеттігін толықтыру ұсынылып отыр. Ол бейбіт уақытта іске асырылады. Бұл соғыс жағдайы саласын қолдану тәртібін айқындау, Қарулы Күштер Жоғарғы Бас қолбасшылығы Ставкасы туралы, Қорғаныс кеңестері туралы, соғыс жағдайы кезеңінде Үкімет қызметін ұйымдастыру туралы ережені бекіту болып отыр. Сонымен қатар, соғыс жағдайы кезеңінде жергілікті атқарушы органның өкілеттігін көздеу, оларға "облыстың, республикалық маңызы бар қаланың, астананың қорғаныс кеңесін" құруға өкілеттік беру ұсынылады. Бұл ретте қорғаныс кеңестері әскери басқару органы ретінде соғыс жағдайы саласының орындалуын қамтамасыз етеді. Олар тек соғыс кезеңіне құрылады. Сондықтан Қарулы Күштер құрылымына кірмейді", - деді ҚР Қорғаныс министрінің бірінші орынбасары Мұрат Бектанов.
