Осыған дейін төтенше жағдай кезінде төмендегі мерзімі аяқталған құжаттар қолдануға жарамды деп танылған еді:
- Жеке тұлғаны растайтын құжат немесе жеке куәлік;
- Жүргізуші куәлігі, сонымен қатар техникалық бақылаудан өткенін растайтын анықтама;
- Азаматтардың және қызметкерлердің қару сатып алуға, өзімен алып жүруге және сақтауға берілген рұқсат қағаздары;
- Елден шығуға және елге кіруге берілген құжат (визалар), ҚР аумағында тұрғылықты және уақытша тұруға берілген рұқсат, жұмыс барысымен еліміздің аумығында қызмет атқаратын шетелдіктің рұқсат қағазы, жұмыс беруші тарапқа шетелдіктерді тартуға берілген рұқсат, пана сұрағандардың куәліктері.
Бұл құжаттармен жарамдылығын жоғалтқан күннен бастап 60 күн өткенше, яғни 10 шілдеге дейін пайдалануға болады. Төтенше жағдай кезінде 16 жасқа толып, жеке куәлік алып үлгермеген ҚР азаматары туу туралы куәлік немесе төлқұжатты негізгі құжат ретінде пайдалана алады.
