Бірінші кезеңде 100 әскери міндетті шақырылды. Олардың барлығы - әскери міндетті волонтерлер. Қажет болған жағдайда олардың саны ұлғайтылады.
Қала әкімі Алтай Көлгінов атап өткендей, әскери міндеттілердің негізгі міндеттері -коронавирустық инфекцияның таралуына жол бермеу жөніндегі жедел штаб жұмысына қатысу, өткізу-бақылау бекеттерінде қызмет атқару, қала аумағына дезинфекция жүргізу, инфекция ошақтары анықталған нысандарды күзету. Әскери міндеттілер тамақпен, киім-кешекпен, сондай-ақ еңбекақымен толықтай қамтамасыз етілді.
