БҚО полиция департаментінің баспасөз қызметінен түскен мәліметке қарағанда, оқиға 17 қараша күні Сырым Датұлы көшесі бойында орын алды.
Сағат 13.30-да жеке кәсіпкерлік нысаны тұрғызылып жатқан жерден РПГ-26 снарядына ұқсас зат табылды.
Оның ұзындығы 770 мм, калибрі 72,5 мм.
Сол күні сағат 16.37-де аталған снарядты қауіпсіздік шараларын сақтай отырып, саперлар Оралдан 3 шақырым жерде орын тепкен Меловые горки полигонында жару жолымен жойды.
