Иғали Instagram желісіндегі парақшасында Ақмола облысының әкімі Ермек Маржықпаевтың тапсырмасымен жол апатынан зардап шеккендерге Астрахан ауданы әкімінің қызметін атқарушы Жанар Шахпутова барып қайтқанын мәлім етті.
"Қазіргі уақытта зардап шеккендердің бірі Нұр-Сұлтан қалалық ауруханасына жеткізілді. Оның жағдайы тұрақты ауыр. Келесі бір сырқат аудандық ауруханада жатыр, оның да жағдайы тұрақты ауыр, оны тасымалдауға жарамайды. Тағы бір әйелге ота жасалды. Оның екі баласы Нұр-Сұлтандағы туыстарына жіберілді. Зардап шеккендердің барлығына жан-жақтылы көмек көрсетілуде. Жақындарынан айырылған азаматтардың қайғыларына ортақпыз. Иманды болсын", - деп жазды облыс әкімінің орынбасары.