Таңғы сағат 6:00-ден бастап Арыстықтар тиелген автобустар жіберіліп, 8:30 шамасында қалаға кірді.
Әр азаматқа қауіпсіздік ескертпелер таратылды. Кейбір үйлерге азаматтарды саперлар кіргізетінін Өмірзақ Шүкеев түсіндірді.
Тұрғын үйлердің көбісі арнайы белгімен белгіленіп, саперлармен тексерілгені анық.
Түркістан облысының әкім кеңесшісі Сәкен Қалқамановтың айтуынша, қайта оралған бұл Арыстықтар өз еркімен келді. Эвакуациялық пунктта қалам деушілер біраз уақытқа сол жерлерді қоныстана алады.
"Сол күні таңертең үйде немерелерімізбен бесеу болдық. Күйеуімнің астмасы бар еді. Өзі үйде қалып бізге бара беріндер деді. Жолда телефонымды жоғалтып алдым. Бір жүк көлігі бізді орта жолдан алып, арғы жаққа жеткізіп салды", деп Арыс тұрғыны Ботагөз Кербасова сол таңды еске алады.
