Аталған мәселені мәслихат хатшысы Ерлан Каналимов көтерді.

"Қазір электронды темекі үлкен мәселеге айналды. Оны тек жоғары сынып оқушылары ғана емес, бесінші сынып оқушылары да шегетін болыпты. Электронды темекіге қол жеткізу де оңай: кез келген жерде сатып алуға болады. Сол себепті қандай да бір шара қолданайық! Мен мүлдем тыйым салайық деп отырғаным жоқ, тек оны темекі өнімдерінің қатарына қосып, 21 жасқа толған тұлғаларға ғана сату керектігін айтып отырмын", – деді Каналимов.

Депутат темекі шегу балалардың денсаулығына зиян келтіріп отырғанын айтады.

"Бұлай болмайды! Бұл – сұмдық, себебі біз бүкіл бір ұрпақты улап жатырмыз. Олар қазір салдары туралы ойламауы мүмкін, бірақ электронды темекіні жиі қолдану бедеулік сияқты түрлі ауруға әкеледі", – деді спикер.

Депутат бұл жұмысты Денсаулық сақтау, білім беру, ішкі саясат басқармаларына, сондай-ақ полицияға бірлесіп жүргізген жөн деп санайды.