Сықырлаған аяз Титикака көлінің жағасындағы Пуно аймағын да қамтыды. Тәуліктік орташа температура нөлден төмен. Кей жерлерде минус 12 градусты көрсетіп тұр. Өзендерде мұз қатқан. Жергілікті тұрғындар суыққа төзе алар емес.
Оның үстіне, Перудің кедей халқы антисанитария жағдайында өмір сүріп жатыр. Ауа райына байланысты билік 72 ауданда төтенше жағдай жариялады.
Педро Эрасмо, Ларакери қаласының мэрі: – "Осы өңірлердегі аяз, яғни ауа райының күрт суытуы Анд тауларының тұрғындарына ауыр тиді. Әсіресе, қарттар мен балаларға қиын болды. Жануарлар да зардап шегуде".
#перу #аяз #төтеншежағдай #суық #әлем
