USD 425.3
EUR 501.05
RUB 5.85
«Алыптың қуаты – халықта, халықтың қуаты – бірлікте!»
 
RSS лента

Токио Олимпиадасының ашылу салтанатының режисері жұмыстан босатылды

  • 23.июля.2021, 10:07,
  • 28

Токиодағы жазғы Олимпиада ойындарының ашылу салтанатының директоры, әзіл-сықақ әртісі Кэнтаро Кобаяси Холокостқа қатысты бұрынғы әзіл спектаклінің жазбасы Интернетте тарап, қызметінен босатылды.

Олимпиаданың ұйымдастыру комитеті Кобаясидің жұмыстан босатылатыны туралы бейсенбіде, 22 шілдеде, Олимпиада ойындарының ашылуы қарсаңында жариялады.


Ұйымдастыру комитетінің басшысы осы оқиғаға байланысты кешірім сұрады және "қазіргі уақытта ашылу салтанаты сценарилерінің барлығы жіті қаралып жатыр, әрі қарайғы іс-шаралар талқылануда" деп баса айтты. Сонымен бірге Хасимото дау-дамай кезінде өзінің қызметінен кетпейтінін және өз міндеттерін соңына дейін орындайтынын айтты.


"Олимпиада ойындарын ойдағыдай өткізуге бел будық, біз көптен бері дайындалдық. Барлық мүмкін кедергілерді, барлық қиындықтарды еңсеріп, Олимпиада сәттілікке ие болады. Маған сенім артыңыздар, тарихи оқиғаны осы Олимпиаданы ұйымдастырушылар өз жолындағы барлық кедергілерді еңсере білген турнир ретінде еске алатын боласыздар", - деді Хасимото журналистерге.


Нацистердің жөйттерді жоюы Кобаяси қатысқан комедиялық дуэт орындаған скетч тақырыбына арқау болған. Атап айтқанда, ол: "Холокостты ойнайық", - дейді. Спектакль 1998 жылы орындалды, бірақ видео интернетте енді ғана пайда болды.


"Кез-келген адам, қанша креативті болса да фашистік геноцид құрбандарын мазақ етуге қақысы жоқ. Фашистік режим мүгедек немістерді де газбен тұншықтырып, өлтірді. Бұл адамның Токио Олимпиадасымен кез-келген қатыстылығы 6 миллион жөйттің намысын қорлайды және Паралимпиада ойындарын мазақ етеді, - дейді Симон Визенталь орталығы деканының орынбасары", деді раввин Авраам Купер.


Бұған дейін композитор Кейго Оямада Олимпиада ойындарының ашылу салтанаты жұмыс тобынан өз еркімен кеткен болатын. Ол 1994-1995 жылдары өзінің сұхбатында оқушы кезінде мүмкіндігі шектеулі балаларға тиісіп, мазақ қылғанын мойындаған еді.

скачать dle 12.0
Тағы да оқыңыздар:
21.07.2021
11.03.2020
03.03.2020
09.12.2019
25.06.2019
ПІКІР
14 қыркүйек14:23,
Экономика
Көкөніс бағалары төмендеп жатыр  
14 қыркүйек13:59,
Экономика
Көмір өндірісі қысқарып келеді  
14 қыркүйек11:03,
Тарихи мұра / Фото
ШҚО ерекше тарихи маңызы бар обалар табылды   Фото
13 қыркүйек15:06,
ҚОҒАМ
800-ден сайт бұғатталды  
13 қыркүйек09:46,
саясат / Видео
Ұлттық қауіпсіздіктің жағдайы қандай?!   Видео
«    Қыркүйек 2021    »
ДсСССрБсЖмСнЖс
 12345
6789101112
13141516171819
20212223242526
27282930