USD 435.2
EUR 491.17
RUB 5.54
«Алыптың қуаты – халықта, халықтың қуаты – бірлікте!»
 
RSS лента

Қытай мен Канада дауласты

  • 23.июня.2021, 16:24,
  • 97

Канада және тағы 40 ел 22 маусымда БҰҰ-ның адам құқықтары жөніндегі кеңесінде Қытай билігінен Шыңжаңға тәуелсіз бақылаушылар жіберуін талап етіп, Пекинді ұйғырларды шеттетті деп айыптады. 

"Біз Пекиннен Шыңжаңға тәуелсіз бақылаушылар жіберуін талап етеміз", деп мәлімдеді Канада өкілі Женевадаға сессияда. Адам құқықтары жөніндегі кеңес сессиясы 21 маусымда басталып, 13 шілдеге дейін созылады.


Канада өкілінің мәлімдеуінше, БҰҰ-ның адам құқықтары жөніндегі жоғарғы комиссары Мишель Бачелет 2018 жылдан бері Шыңжаң Ұйғыр автономиялы ауданына тәуелсіз бақылаушылар жіберуге Қытай билігінен рұқсат ала алмай жүр.


Канада Шыңжаңда миллионнан астам ұйғырдың лагерлерде азап кешіп жатқанына алаңдайды. Канада ұстанымын тағы 40 мемлекет қолдады.

Қытайдың БҰҰ кеңесіндегі өкілі Оттаваға әуелі канадалық үндістер құқығын қорғауға кеңес берген. Мамырдың аяғында Канадада үндістерге арналған мектеп-интернаттың 200-ден астам түлегінің сүйектері табылды. Бұл мектеп 1978 жылға дейін жұмыс істеген. Пекин канадалықтарға үндістерге қарсы жасалған қылмысты зерттеуге кеңес берген.


АҚШ, Канада, Ұлыбритания және Еуроодақ елдері Қытайды ұйғыр халқына қысым жасады деп айыптап, оған қарсы санкциялар енгізген. Бірақ Пекин өзіне тағылған айыптарды мойындамай, Шыңжаңдағы мұсылмандарға қатысты саясатын "адам құқығы саласындағы жетістіктің үздік үлгісі" деп атаған.

скачать dle 12.0
Тағы да оқыңыздар:
17.05.2021
09.04.2021
16.02.2021
04.02.2021
30.10.2020
ПІКІР
02 қантар11:40,
Әлем / Видео
Мысырда бұршақ пен қар жауды   Видео
«    Қантар 2022    »
ДсСССрБсЖмСнЖс
 12
3456789
10111213141516
17181920212223
24252627282930
31